Енді сенімхаттың барлық түрлерін eGov арқылы рәсімдеуге болады

Бұған дейін сенімхатты рәсімдеу үшін нотариусқа барып, құжатқа қол қою қажет болған. Енді бұл қызметті eGov Mobile қосымшасы арқылы онлайн форматта алуға мүмкіндік бар, деп хабарлайды Arbat.media.

Әділет миниистрлігінің хабарлауынша, "Цифрлық сенімхат" деген қызметте клиент пен нотариус онлайн режимде байланысқа шығады да, қажетті сенімхатты рәсімдейді.

Цифрлық сенімхатты рәсімдеу тәртібі:

    1. eGov Mobile қосымшасына кіріңіз;

2. өтінімді толтыру және оған ЭЦҚ көмегімен қол қою;

3. жеке басын растау үшін қосымшадан нотариусқа бейне қоңырау шалу;

4. белгіленген тариф бойынша нотариустың қызметтеріне ақы төлеу;

5. "Сандық құжаттар" бөлімінде сандық сенімхат алу; цифрлық сенімхатты кез келген нотариус рәсімдей алады.

Осы құжатты барлық мемлекеттік органдарда немесе талап ету орны бойынша қағаз аналогымен пайдалануға болады. Болашақта жаңа қызмет бірқатар банктік қосымшаларына енгізіледі.