Болат Назарбаевтың бұрынғы тоқалы: Ғабидолла Әбдірахымов Шымкент әкімі болғанда 70 мың доллар берді
"Болат Назарбаевтың тоқалы болдым" деп сұхбат берген Динара Әлжан Шымкент қаласының бұрынғы әкімі Ғабидолла Әбдірахымовпен қандай жақындығы барын атады, деп хабарлайды Arbat.media.
Әнші әрі актриса бұл туралы Youtube-тегі “Уақыт көрсетеді” бағдарламасындағы сұхбат барысында атап өтті. Оның сөзінше, ол Болат Назарбаевпен ажырасқаннан кейін әлеуметтік жағдайының тым нашарлап кеткенін алға тартты. Сондай күндердің бірінде Шымкенттегі тойға барып, ойда-жоқта сол кездегі қала әкімімен танысып, би билеген көрінеді.
Шымкентте караокеде отырған кезде қала әкімі Ғабидолла Рахметоллаұлы көмекшілерімен бірге ішке кіріп келді. Сол кезде қонақүйдің ақшасын төлей алмай қиналып отырғанмын. Мені тойға шақырған адамдар ақшасын төлемей кетті. Қалтамда ақша болмады. Сол отырыста ол маған қарап сөз сөйледі. Кейін биге шақырып, Қайрат Нұртас ән айтты. Ғабидолламен таныстығым осылай басталды. Әкім маған сол түні Rixos қонақ үйінен VIP нөмір алып берді”, - деді сұхбат барысында Динара Әлжан.
Болат Назарбаевтың бұрынғы тоқалы мен Шымкенттің бұрынғы әкімі Ғабидолла Әбдірахымовтың байланысы осылай бастау алған. Мәрттік танытқан шенеунік ертеңінде әншіні түскі асқа шақырып, құны 20 мың долларлық бриллиант сырға тарту етсе керек. Одан бөлек үй алуға 70 мың доллар қаржыны қалтасына салып жіберіпті.
Ғабидолла 20 мың доллардың сырғасын сыйлады. Түскі аста отырған кезде қосымша тағы миллион теңге ұстатты. Сол сәтте оған үйсіз жүргенімді айттым. Алайда Болаттың тоқалы болғанымды айтқан жоқпын. Содан кейін ол "Алматыдан үй аласың" деп 70 мың доллар берді. Ақшаның жартысына бес бейнебаян түсіріп алдым. Қалғанына үй сатып алдым. Ғабидолла мырзамен төсекте қауыштық. Тек бір-ақ рет. Ол өте жақсы кісі, нағыз джентльмен”, - деді әнші.
Динара Әлжанның Болат Назарбаевқа қалай тоқал болғанын және оның берген ақшасын шоу-бизнесте жүрген әншілерге қалай шашқанын жазған болатын.
Сұхбаттың толық нұсқасын журналист Нұрсейіт Жылқышыбайдың Youtube-тегі “Уақыт көрсетеді” бағдарламасынан көре аласыздар.