Базар аумағынан жаңа туған шақалақ табылды

Ақтөбедегі орталық базар ауданындағы шайханада жаңа туған бала табылғаны туралы жедел басқару орталығы пультіне мәлімет түскен, - деп хабарлайды Arbat.media.

Ювеналдық полиция бөлімінің қызметкерлері таңертең бейтаныс қыздың үш апталық нәрестені шайханаға тастап кеткенін анықтады.

Келіншек шайханадағы әйелге барып ақша алып келгенше балаға бірнеше минут қарай тұруын өтінген.

Кешке дейін күткен әйел баланы тастап кеткен қыз келмеген соң полицияға хабарлаған.

Сәби полиция бөліміне жеткізіліп, жедел медициналық бригада шақырылды.

Дәрігерлердің айтуынша баланың жағдайы бір қалыпты.

Ақтөбе №3 ҚПБ ЖПҚБ ювеналды полиция бөлімінің инспекторы Жаннур Абдоллаева баланың жаялығын ауыстырып, тамақтандырып, сәбилер үйіне жеткізді.