Астанадағы өрт кезінде 26 адам құтқарылды

Астанада көпқабатты үйден өрт шығып, 26 адам құтқарылды, деп хабарлайды Arbat.media.

Төтенше жағдай 21 ақпан күні сағат 12-26-да орын алды. Астана қаласы ТЖД Өрт сөндіру бөлімшесінің өрт сөндіру тобы Сарыарқа ауданы, Қосшығұлұлы көшесі, 22/1 мекенжайына жеткен. Өрт сөндірушілер келгеннен кейін екінші қабаттағы пәтерде 25 шаршы метр аумақта жиһаз бен үй заттары жанып жатқаны белгілі болды. 

Елордалық өрт сөндірушілердің күшімен өртті сөндіру барысында құтқару маскалары мен автокөлік сатыларының көмегімен 26 адам құтқарылды. Оның ішінде 13 бала және 125 адам қауіпсіз аймаққа шығарылды. Жедел жәрдем бригадасы мен Апаттар медицинасы орталығының дәрігерлері ауруханаға одан әрі тексеру үшін 6 адам, оның ішінде 3 бала жеткізілді, - деді ТЖМ баспасөз қызметіндегілер. 

Өртті сөндіруге Астана қаласы ТЖД жеке құрамының 18 адамы және 4 бірлік техникасы жұмылдырылғаны айтылды.