Алматыға Мәскеу зообағынан ерекше аю жеткізілді
Алматы зообағына Мәскеуден 6 жасар аю әкелінді, деп хабарлайды Arbat.media
Пурга есімді ақ аю 2017 жылы туған. Бұл ерекше жануарды зообаққа алу үшін алдымен үлкен дайындық жұмыстары атқарылып, арнайы қоршау мен бассейн салынған.
Сондай-ақ, Еуро-Азиялық Аймақтық зообақтар мен аквариумдар ассоциациясының (ЕАРАЗА) келісімін алып, содан кейін ғана аю зообағымызға орналастырылып отыр.
Бізге келгеннен кейін ақ аю карантинде болды. Бұл талап зообақтарға әкелінетін, басқа жаққа берілетін барлық жануарларға қатысты. Енді, карантин аяқталып, біздің келушілеріміз зообағымыздың жаңа тұрғыны – Пурганы көре алады. Оның орналасқан вольері кең, ауласында екі бассейні бар. Үйшігінің ішінде ауаны салқындатып тұратын арнайы желдеткіш орнатылған және суық еден жасалған, - деп жазды зообақ әкімшілігі.
Ерекше аңсиыр, тауық етімен, түрлі балықтармен, алма, алмұрт, салат жапырағы, балмен қоректенеді. Пурга жыртқыш болса да, айналасымен тез тіл табыса алатын, мінез-құлқы жайлы жануар дейді бағушылар.