Алматы облысының әкімдігі бұрынғы казино ғимаратына орналасты
Биыл Алматы облысы екіге бөлінгеннен кейін орталығы Қонаев қаласына көшірілгені белгілі. Енді облыс әкімдігінің қызметкерлері бұрынғы казино ғимаратында жұмыс істейтін болды, деп хабарлайды arbat.media.
Қонаевтағы "Royal Plaza" ойынханасы тамыз айында облыс әкімдігіне жалға берілетіні мәлім болған еді. Кейін оған жөндеу жұмыстары басталғаны айтылды. Ұзаққа созылған қайта қалыпқа келтіру жұмысынан кейін Алматы облысының әкімдігі енді бұрынғы казино нысанына орналасты.
Бұл туралы Алматы облысы әкімінің баспасөз қызметі ресми түрде хабарлады. Әкімдік қызметкерлерінің айтуынша, жалпы ауданы 11 891,8 шаршы метр болатын нысан енді әкімшілік ғимарытан айналған.
Бұл ғимарат көп уақыттан бері бос тұр. Алматы облысының әкімі Индустриальная көшесі, 16/4 мекенжайындағы әкімшілік ғимаратты жалға алады. Болашақта нысанды сатып алу жоспарда бар, - деді әкімдіктің баспасөз қызметіндегілер.