Әлихан Смайылов Қазақстан үшін келер жылдың оңай болмайтынын атады

Үкімет басшысы Әлихан Смайылов 2023 жылдың Қазақстан үшін қиын болатынын айтты, деп хабарлайды  arbat.media.

Бүгін өткен Үкімет жиынында премьер-министр Әлихан Смайылов 2020 жылға шолу жасап, бастан өткерген қиындықтарға тоқталған. 

Бүгін – Үкіметтің осы жылдағы соңғы отырысы. Жалпы еліміз үшін бұл жыл оңай болған жоқ – қайғылы «қаңтар оқиғасынан» бастап әлемдік маңызы бар бірқатар қиын жағдайлар орын алды. Алайда, қиындықтарға қарамастан, халқымыздың ынтымағы мен ауызбіршілігінің арқасында біз Қазақстанда бейбітшілік пен тыныштықты сақтап қалдық, - деді Әлихан Смайылов.  

Премьердің сөзінше, Қасым-Жомарт Тоқаев Үкіметке  жауапкершілікті жүктеп, алдағы жылы атқарылуы тиіс бірқатар міндеттер қойып отыр. Соныме бірге, ол 2023 жылдың ауыр болатындығына тоқталды. 

Үкімет Президенттің саяси және әлеуметтік реформаларын іске асыру үшін барлық қажетті шараларды қабылдайды. Келесі жыл оңай болмайды. Бірақ біз қойылған мақсаттарға жетуіміз керек. Ол үшін нақты жоспарларымыз бар, - деді Әлихан Смайылов.

 Бұған дейін Үкіметтің кеңейтілген басқосуынша Қасым-Жомарт Тоқаев алдағы жылы қиыншылықтар болуы мүмкін екендігін атаған болатын. Осы орайда үкіметтің жұмысын сынға алып, жаңа жылға министрлер кабинетінің ескі құрамымен барудың мүмкіндігін айтқан еді.