1 қыркүйектен бастап 380 мыңнан астам студенттің стипендиясы өседі

Үкімет басшысы Әлихан Смайылов 1 қыркүйектен бастап 380 мыңнан астам студенттің стипендиясы өсірілетінін және орта білім беруді қаржыландыру соңғы бес жылда екі еседен астам немесе 2 трлн-нан 4,5 трлн теңгеге дейін ұлғайтылғанын айтты, - деп хабарлайды Arbat.media.

Жыл сайын отандық университеттерде білім беру грантын арттырудамыз. Биыл бөлінген 88 мың гранттың 73 мыңы (бакалавриат) биылғы мектеп түлектеріне берілді, - деді Әлихан Смайылов.

1 қыркүйектен бастап 380 мыңнан астам студенттің стипендиясы өсіріледі.

Тек соңғы үш жылда бір студентке жұмсалатын шығыс орта есеппен 420 мыңнан 1 млн теңгеге дейін өсірілген.

Студенттерді жатақханамен қамтамасыз ету де 2020 жылдан бастап жыл сайын жатақханаларда 10 мың орын пайдалануға беріледі. Қазірдің өзінде 99 жатақхана пайдалануға берілді. Жыл соңына дейін тағы 32-сі ашылады.

1 қыркүйектен бастап халықтың әлеуметтік осал топтарының жекелеген санаттарынан шыққан, басқа қаладан келген студенттерге жатақханада тұру шығыны өтеледі.

Жаңа оқу жылынан бастап жоғары оқу орындарының профессор-оқытушылар құрамының жалақысы 20%-ке артады.