"Суықтан қатпадық" — Германия ресейлік газсыз өткізген бір жылын қорытындылады

Бір жыл бұрын Ресей Германияға жіберетін газды тоқтатқан болатын, бүгін Германия бір жыл бойы газ проблемасын қалай шешіп, бір жылда қандай шараларды іске асырғанын жариялады, - деп хабарлайды Arbat.media.

«Былтыр Ресей Германияға жіберетін газды тоқтатты. Бірақ немістер суықтан қатып,  экономикасы тоқтап қалмады, ал «Газпром» негізгі экспорт нарығынан айырылды», - дейді жазады DW экономикалық шолушысы Андрей Гурков.

"Пандемия алдындағы гүлденген 2019 жылы «Газпром» алыс шетелдерге 200 миллиард текше метрге жуық газ сатты, оның 55 миллиард текше метрін Германия сатып алды. Барлық жеткізілімдердің төрттен бірінен астамы! Қазір кезінде жақсы тұтынушы болған клиент  0 (нөл) текше метрді сатып алады», - дейді Гурков.

«Оның үстіне Берлин Ресей газымен енді айналыспау туралы саяси шешім қабылдады, ол тек Украинадағы соғысқа байланысты емес: «Газпромның» «Солтүстік ағынды» жауып тастауына байланысты (айтпақшы, бұл газ құбырына диверсиядан бір ай бұрын болған) Ресей, ақыры өзін немістердің алдында сенімсіз жеткізуші ретінде көрсетті», - деді Андрей Гурков.