Рүстем Умеров Украинаның қорғаныс министрі болып тағайындалды

Рада Рүстем Умеровты Украинаның қорғаныс министрі етіп тағайындады, - деп хабарлайды Arbat.media.

Бұл туралы Украина халық депутаты Ярослав Железняк айтты.

Мемлекеттік мүлік қорының экс-басшысының кандидатурасына 338 халық қалаулысы «жақтап», біреуі ғана «қарсы» дауыс берді, деп жазды депутат Ярослав Железняк Telegram парақшасында.

Рүстем Умеров — украиналық саяси қайраткер және қаржы саласында білімі бар қырым-татар тектес кәсіпкер. 2019 жылы ол Украина Парламентінің депутаты болды.

Умеров сонымен бірге Украинаның Мемлекеттік мүлік қорын 2022 жылдың қыркүйегінен бастап басқарды және "Қырым татар халқының Мәжілісі" (ұйым экстремистік деп танылған және Ресей Федерациясында тыйым салынған) бірінші төрағасы Мұстафа Джемилевтің кеңесшісі болды.