Голливуд сценаришілері келісімге келді

Голливуд сценарийшілері студиялармен келісімге келгенін жариялап, олардың жұмысқа қайта оралуына мүмкіндік берілді, - деп хабарлайды Arbat.media. 

Бұл туралы Еuronews хабарлайды.

«Бұл оларды қорғайтын ерекше келісім және барлық саладағы кәсіподақ сценарийшілері үшін маңызды жетістік екенін мақтанышпен айта аламыз», – делінген Голливуд сценаришілері одағының (WGA) хатында.

Хатта келісімнің егжей-тегжейі айтылмағанымен, пысықталып жатқаны және түпкілікті шешімді WGA мүшелері қабылдайтыны жазылған.

«Гильдия нақты рұқсат бермейінше, ешкім жұмысқа оралмауы тиіс. Біз ереуілді жалғастырамыз, бірақ бүгіннен бастап WGA пикеттерін тоқтатамыз», - деп түсіндірді кәсіподақтан.

Айта кетсек, бес ай бойғы ереуіл киноиндустрияға біраз нұқсан келтірген.