Бес миллион ызыңдаған ара қаланы басып алды

Канаданың Берлингтон қаласында жүк көлігінде нашар бекітілген ұяшықтар құлап, ішінен бес миллион ара ұшып кеткен, - деп хабарлайды Arbat.media.

Полицейлер жүргізушілер мен көршілерді есік пен терезелерді жабуға шақырып, ауыр зардаптың алдын алды.

"Мен әйелімнің сыртта сұмдық болып жатыр деген айқайынан шошып ояндым. Ара ма, сондай бірдеңе", - дейді жергілікті тұрғын Дэйв Ллойд.

Бірнеше сағат ішінде омарташылар барлық дерлік араны ұстай алды, бірақ жүздеген ара жол апатынан өліп қалды.

«Олар иіс, көру және т.б. арқылы байланысады, сондықтан үйіне жол таба алады», - дейді омарташы Люк Питерс.

Жүзден астам ара шаққан жүк көлігінің жүргізушісі арадан ең көп зардап шеккендердің бірі болды.