Беларусьтер бұдан былай шетелде төлқұжат ала алмайды

Беларусь дипломатиялық өкілдіктері бұдан былай шетелдегі ел азаматтарына жаңа төлқұжат бермейді, - деп хабарлайды Arbat.media.

Енді белорустар бұл үшін тұрғылықты жерінде соңғы тіркелген жері бойынша Ішкі істер министрлігіне өтініш беруі керек.

Бұл Лукашенконың сайтында жарияланған «Құжаттарды беру және әрекет орындау тәртібі туралы» жарлықтан туындап отыр.

Сондай-ақ жаңа жарлық дипломатиялық өкілдікті шетелде жүрген Беларусь Республикасы азаматтарының төлқұжатының қолданылу мерзімін ұзарту құқығынан айырады.

Шетелде тұратын беларусь биометриялық төлқұжатты тек Сыртқы істер министрлігі арқылы немесе тағы да Ішкі істер министрлігі арқылы ала алады. Сонымен қатар, енді мүлікпен мәмілелерді тек жеке өзі немесе Беларусьте берілген сенімхат бойынша жүзеге асыруға болады.

 BEROC зерттеу орталығының мәліметі бойынша, соңғы екі жылда 172 мыңға дейін беларусь елден кеткен.

Олар көбіне көршілес Литва мен Польшаға көшкен.