АҚШ Украинаға Ресейдің тәркіленген $5,4 млн активтерін береді

АҚШ алғаш рет Украинаға Ресейдің тәркіленген $5,4 млн активтерін береді, - деп хабарлайды Arbat.media.

АҚШ мемлекеттік хатшысы Энтони Блинкен Украина сыртқы істер министрі Дмитрий Кулебамен бірлескен баспасөз мәслихатында:

«Біз алғаш рет санкцияға ұшыраған ресейлік олигархтардан тәркіленген активтерді Украинаға өткізіп жатырмыз», - деді.

«Путиннің басқыншылық соғысына үлес қосқандар оны төлеуі керек», - деді ол.

Әңгіме 5,4 миллион доллар туралы болып отыр, деп хабарлады АҚШ мемлекеттік департаменті.

Бұл қаражат Украинадағы соғыс ардагерлерін қолдауға және оларды оңалтуға жұмсалады.

Ақпан айында АҚШ-тың бас прокуроры Меррик Гарланд тәркіленген ресейлік активтерді Украинаға бірінші рет беруге рұқсат бергенін мәлімдеді.

Содан кейін Киев «Царград» телеарнасының негізін қалаушы Константин Малофеевтен 5,4 миллион доллар алатыны хабарланды.