Жасырын казинода жұмыс істеген 20 қазақстандық Ирактан депортацияланды

Ирактың казиносында еңбек қызметін заңсыз жүргізген Қазақстан азаматтарын құқық қорғау органдары биылғы наурыздың соңында ұстап, айыппұл төлеткізіп, Ирактан шығарып жіберді, деп хабарлайды Arbat.media.

Оқиғаға Қазақстанның Иордания мен Ирактағы елшілігі араласып, жергілікті органдармен сот қарауынсыз депортациялауға уағдаласты.

Алайда бұл жалғыз жағдай емес. Биылғы ақпанда Қазақстанның басқа 7 азаматы Ирактың заңнамасын бұзып, жасырын казинода заңсыз еңбек еткен. Сол үшін тергеуге де тартылды. Мәлім болғандай, олардың 5-еуі былтырғы қарашада сот ісін қарағанға дейін кепілге босатылған. Осыған қарамастан олар бұрынғы заңсыз жұмысына қайта барып, Ирак заңнамасын қайта бұзды, - деді СІМ-нің ресми өкілі Айбек Смадияров.